Air India Namaste World Sale: ഓഗസ്റ്റ് 10 മുതൽ 15 വരെയാണ് വിമാന ടിക്കറ്റുകൾക്ക് വൻ ഇളവുമായി എയർ ഇന്ത്യയുടെ നമസ്തേ വേൾഡ് സെയിൽ നടക്കുന്നത്
കൊച്ചി: വമ്പൻ നിരക്കിളവുകളുമായി എയര് ഇന്ത്യ ‘നമസ്തേ വേൾഡ്’ ടിക്കറ്റ് സെയിൽ ആരംഭിച്ചു. ആഭ്യന്തര, അന്തർദേശീയ യാത്രകൾക്ക് കുറഞ്ഞ നിരക്കിൽ ടിക്കറ്റുകൾ ലഭിക്കുന്നതാണ് ഈ ഓഫർ. 1499 രൂപ മുതൽ ആരംഭിക്കുന്ന ആഭ്യന്തര വിമാന ടിക്കറ്റും 12,310 രൂപ മുതലുള്ള അന്താരാഷ്ട്ര റൗണ്ട് ട്രിപ്പ് വിമാന ടിക്കറ്റുകളും ഓഫറിലൂടെ ലഭിക്കും. ഓഗസ്റ്റ് 15ന് രാത്രി 11:59 വരെയാണ് ടിക്കറ്റുകൾ ബുക്ക് ചെയ്യാൻ കഴിയുക.
2026 മാർച്ച് 31 വരെയാണ് നമസ്തേ വേൾഡ് ഓഫർ നിരക്കിൽ യാത്ര ചെയ്യാൻ കഴിയും. എയർ ഇന്ത്യയുടെ വെബ്സൈറ്റ്, മൊബൈൽ ആപ്പ്, എയർപോർട്ട് ടിക്കറ്റ് ഓഫീസുകൾ, കസ്റ്റമർ സർവീസ് സെൻ്ററുകൾ, അംഗീകൃത ട്രാവൽ ഏജൻ്റുകൾ എന്നിവ വഴി ടിക്കറ്റുകൾ ബുക്ക് ചെയ്യാം.
ആഭ്യന്തര വിമാന ടിക്കറ്റുകൾ 1,499 രൂപ മുതലാണ് ആരംഭിക്കുന്നത്. അന്തർദേശീയ റൗണ്ട് ട്രിപ്പ് ടിക്കറ്റുകൾ 12,310 രൂപ മുതൽ ലഭ്യമാണ്. മറ്റു രാജ്യങ്ങളിലുള്ളവർക്ക് അവിടുത്തെ കറൻസിക്ക് അനുസരിച്ച് വിലയിൽ മാറ്റമുണ്ടാകും. ഇന്ന് എയർ ഇന്ത്യയുടെ വെബ്സൈറ്റിലൂടെയും മൊബൈൽ ആപ്പിലൂടെയും മാത്രമാണ് ബുക്കിങ് നടക്കുക. തുടർന്നുള്ള ദിവസങ്ങളിൽ എയർപോർട്ട് ടിക്കറ്റ് ഓഫീസുകൾ, കസ്റ്റമർ സർവീസ് സെൻ്ററുകൾ, ട്രാവൽ ഏജൻ്റുകൾ എന്നിവ വഴിയും ടിക്കറ്റുകൾ ബുക്ക് ചെയ്യാൻ സാധിക്കും.
എയർ ഇന്ത്യയുടെ വെബ്സൈറ്റിലൂടെയോ മൊബൈൽ ആപ്പിലൂടെയോ ടിക്കറ്റ് ബുക്ക് ചെയ്യുമ്പോൾ കൺവീനിയൻസ് ഫീസ് ഉണ്ടാകില്ല. ‘FLYAI’ എന്ന പ്രൊമോ കോഡ് ഉപയോഗിച്ചാൽ 1,000 രൂപ വരെ ഇളവ് ലഭിക്കും. ‘VISAFLY’ എന്ന കോഡ് ഉപയോഗിച്ച് വിസ കാർഡ് ഉടമകൾക്ക് 2,500 രൂപ വരെ കിഴിവ് നേടാം.
വിസ കാർഡ് ഉപയോഗിക്കുന്നവർക്ക് യാത്രയിൽ കൂടുതൽ ആനുകൂല്യങ്ങൾ ഉണ്ട്. ആഭ്യന്തര യാത്രകൾക്ക് 250 രൂപ വരെയും റൗണ്ട് ട്രിപ്പുകൾക്ക് 500 രൂപ വരെയും ഇളവ് ലഭിക്കും. അന്തർദേശീയ യാത്രകൾക്ക് 1,500 രൂപ വരെയും റൗണ്ട് ട്രിപ്പുകൾക്ക് 2,500 രൂപ വരെയും കിഴിവ് ലഭിക്കും.
യാത്ര കൂടുതൽ മികച്ചതാക്കാൻ, എയർ ഇന്ത്യ മറ്റു ചില ഓഫറുകളും യാത്രക്കാർക്കായി നൽകുന്നുണ്ട്. അധിക ലഗേജിന് 60 ശതമാനം വരെയും ഇഷ്ടമുള്ള സീറ്റ് തിരഞ്ഞെടുക്കുന്നതിന് 15 ശതമാനം വരെയും ഇളവുണ്ട്.
ഇന്ത്യയിൽ നിന്ന് യുകെയിലേക്ക് എക്കോണമി ക്ലാസ്സിൽ 44,500 രൂപ മുതലും പ്രീമിയം എക്കോണമി ക്ലാസ്സിൽ 95,000 രൂപ മുതലും ബിസിനസ് ക്ലാസ്സിൽ 1,43,000 രൂപ മുതലുമാണ് ടിക്കറ്റ് നിരക്ക്. യൂറോപ്പിലേക്കുള്ള ടിക്കറ്റ് നിരക്ക് എക്കോണമി ക്ലാസ്സിൽ 44,000 രൂപ മുതൽ ബിസിനസ് ക്ലാസ്സിൽ 1,30,000 രൂപ വരെയാണ്. കാനഡയിലേക്ക് എക്കോണമി ക്ലാസ്സിൽ 62,199 രൂപ മുതലും ബിസിനസ് ക്ലാസ്സിൽ 1,77,399 രൂപ മുതലുമാണ് നിരക്ക്. ഓസ്ട്രേലിയയിലേക്ക് എക്കോണമി ക്ലാസ്സിൽ 51,317 രൂപ മുതലും ബിസിനസ് ക്ലാസ്സിൽ 1,63,291 രൂപ മുതലുമാണ് ടിക്കറ്റ് നിരക്ക്. യുണൈറ്റഡ് സ്റ്റേറ്റ്സിലേക്ക് എക്കോണമി ക്ലാസ്സിൽ 49,635 രൂപ മുതലും ബിസിനസ് ക്ലാസ്സിൽ 1,90,666 രൂ മുതലുമാണ് നിരക്ക്.
ശ്രീലങ്ക, യുഎഇ, സിങ്കപ്പൂർ, തായ്ലൻഡ്, ഇന്തോനേഷ്യ, മലേഷ്യ, ജപ്പാൻ തുടങ്ങിയ രാജ്യങ്ങളിലേക്കും കുറഞ്ഞ നിരക്കിൽ ടിക്കറ്റുകൾ ലഭ്യമാണ്. തെരഞ്ഞെടുത്ത റൂട്ടുകളിൽ മാത്രമേ ഈ ഓഫർ ലഭ്യമാകൂ. ടിക്കറ്റ് എടുക്കുന്ന സ്ഥലമനുസരിച്ച് നിരക്കുകളിൽ മാറ്റങ്ങൾ വരാം.
